Presentación da Asociación na Feira de Cambre domingo 15 de decembro

En Santa María de Vigo (Cambre) hai unha fraga chamada A fraga do rei.

Un día chegou á miña vida a fraga do meu avó e con ela moitas ganas de aprender, de coidar, de pasear, de descubrir e de dar a coñecer os seus tesouros, para que sexamos moitas as mans que a COIDEMOS. A base de paseos e visitas, apareceron ante os meus ollos animais que nunca vira, árbores inmensas que sabían os segredos da aldea, plantas que curaban e floriñas ventureiras.

Deses paseos xurdiu a Asociación A Fraga do rei, que é un dos nomes que ten a fraga, e así naceron cancións, poemas, contos e o soño de atopar máis xente que queira coidar tamén das fragas dos nosos avós, da fauna que se agocha nelas, da flora… (Gloria Mosquera, Mamá Cabra)

O domingo 15 de decembro estaremos na feira de Cambre de 12:00 -14:00 presentando a veciñanza, a Asociación Cultural e Ecolóxica A FRAGA DO REI. 

Haberá 2 talleres: 

• Bombas de sementes: Estará con nós AMADAHI acompañándonos co seu proxecto de escola e natureza.
• Decoración de camisolas con follas. As camisolas necesitades tráelas vos. Estaría ben que foran camisolas blancas e usadas, as que queirades darlles unha segunda vida. HAI QUE RECICLAR, REUTILIZAR E GASTAR MENOS…. 

E para amenizar a maña teremos a Tomi e a Gloria do grupo de música Mamá Cabra, cantando as cancións do seu último CD-Libro A fraga do meu avó.

#salvemosasnosasfragas

De festa en Santa María de Vigo, Cambre

A fin de semana do 9 de agosto, a Asociación Cultural Ecolóxica A Fraga  do Rei estivo nas festas de Santa María de Vigo, Cambre. 

Gozamos  da comida, a música e o ambente de verbena, pero ademáis a Asociación quixo achegar o seu granito de area para concienciar que hai pequenos detalles que axudan á conservación do noso planeta. 

Este é o primeiro ano que a Comisión de Festas apostou polo uso de servilletas de papel reciclado, pratos  compostables e preparáronse diferentes contedores para a clasificación do lixo. E seguro que non será o último.

Grazas a todos os asistentes pola súa colaboración e esperemos que outras Comisións de Festas sómense a esta iniciativa. 

Tamén botamos unha man á Comisión de Festas. 😉

Participando na IV edición do Galaicoi no Concello de Cambre

Galaicoi: festa no castro de Cambre para representar a loita do pobo castrexo na Idade de Ferro fronte ao exército romano. E todo para conservar o territorio e a cultura propia dun pobo, tan importante para a supervivencia.

No século XXI seguimos loitando polo mesmo pero, alén diso, debemos facelo por algo máis: o noso planeta e todos os seres vivos que nel vivimos; e para iso é importante concienciármonos da necesidade de non destruír as nosas fragas, coidar os nosos ríos e conservar a biodiversidade. 

Por iso, o vindeiro ano deberiamos intentar non deixar pegada da nosa presenza no castro e, como xeramos lixo, dispor de colectores diferenciados para podermos reciclar correctamente o vidro, o plástico e os restos orgánicos. 

Estaría ben que dende o Concello de Cambre se animase á xente a non acudir á festa con materiais plásticos dun só uso. 

Algo sinxelo verdade?

NOTA: Agradecemos á Asociación da Veciñanza de Santa Mª de Vigo a invitación a participar xunto con elas neste evento. Parabéns.

+ Fotos:

 

Directiva Asociación Cultural A Fraga do Rei